Simon Vouet

Irudi gehiago

Premier peintre du Roi ^(en)

1627 - 1649

Bizitza

Jaiotza

Paris, 1590eko urtarrilaren 9a

Herrialdea

Frantzia

Heriotza

Paris, 1649ko ekainaren 30a (59 urte)

Familia

Ezkontidea(k)

Virginia Vezzi ^(en)

(1626ko apirila -

Anai-arrebak

ikusi

Aubin Vouet ^(en)

Hezkuntza

Hizkuntzak

frantsesa

Ikaslea(k)

ikusi

Charles Le Brun
Louis Lerambert ^(en)
Pierre Mignard I ^(en)
Nicolas Mignard ^(en)
Nicolas Chaperon ^(en)

Jarduerak

margolaria, marrazkilaria, arkitektura proiektuen marrazkilaria eta artista bisuala

Lantokia(k)

Paris
Bolonia
Florentzia
Genova
Modena
Parma
Erroma
Venezia eta Londres

Lan nabarmenak

ikusi

Louis XIII ^(en)
The Presentation in the Temple ^(en)
Maria Magdalena

Mugimendua

Barrokoko margolaritza

Genero artistikoa

erretratua
genero-artea
margolaritza historikoa
arte sakroa

Simon Vouet (Paris, 1590eko urtarrilaren 9a - ibidem, 1649ko ekainaren 30a) frantziar margolaria izan zen, Laurent Vouet pintorearen semea.

Aitaren lantegian egin zituen margolaritza-ikasketak. Hamalau urte zituela, Ingalaterrara joan zen, eta han hainbat erretratu egin zuen. 1611. urtean Turkiara joan zen Frantziako enbaxadorearen laguntzaile gisa, eta Konstantinoplan bizi izan zen urtebetez; Mustafa I.aren erretratu bat egin zuen han.

Handik Italiara joan zen, eta hamabost urtez bizi izan zen Italiako hainbat hiritan (Venezia, Erroma eta Genova). Urte horietan Doriatarren eta Barberini kardinalaren babespean egon zen. 1624. urtean Erroma aukeratu zuen bizilekutzat eta San Lukaseko akademikide egin zuten.

Vouet Italian bizi bazen ere, Frantzian bazuten haren ospearen berri. Richelieuk eta Luis XIII.ak nola edo hala ezagutu nahi zuten pintore hura, eta Frantziak Erroman zuen enbaxadorearen bidez, gortean lan egiteko aukera eman zioten Voueti (1627).

Richelieuk Parisko eta Rueileko bere gazteluak apaintzeko agindua eman zion. Hala, Vouet Frantziara itzuli zen, eta haren itzulerak benetako iraultza eragin zuen Frantziako plastikan.

Voueten pintura, Italian lan egin zuen garaian, Caravaggioren pinturaren mende zegoen guztiz, eta hala ikus daiteke garai hartako erlijiozko hainbat lanetan, besteak beste, Andre Mariaren jaiotza (San Francesco a Ripa) eta San Frantziskoren Bizitza (1629, San Lorenzo in Lucinia) obretan.

Ondoren, Guido Reni pintorearen lanak eraginda, barrokismorantz jo zuen, ez bakarrik erlijiozko lanetan, baita mitologia- eta elezahar-motako lanetan ere. Vouetek eragin handia izan zuen Frantziako ondorengo belaunaldietako artistengan.

Koadrorik ezagunenak: Jesusen aurkezpena tenpluan, Karitate erromatarra, Kristo gurutzean eta erretratuak (Luis XIII.a).

Allégorie de la richesse (1630-1635)
Vierge à l'Enfant (1640-1645)
Crucifixion (1622)
La Présentation de Jésus au Temple (1641)
Apollon et les Muses (1640)
Vénus Endormie (1630-1640)
Crucifixion (1636-1637)
Les muses Uranie et Caliope (1634)

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

Autoritate kontrola	Wikimedia proiektuak Datuak: Q317920 Multimedia: Simon Vouet / Q317920 Identifikadoreak WorldCat VIAF: 56618279 ISNI: 0000000083438200 BNE: XX1765564 BNF: 119677550 (data) GND: 118805762 LCCN: n85129175 NKC: jo20010092802 CiNii: DA05388487 SNAC: w67d3fz6 SUDOC: 027688585 ULAN: 500029258 BIBSYS: 90751269 ICCU: BIAV085309 Open Library: OL2193540A KulturNav: id RKD: 81985 Hiztegiak eta entziklopediak Lur: 06001/eu_v_0592/v0592 Britannica: url Bilduma digitalak Museo del Prado: 26a0ddb9-9732-424b-bcf9-f7b1eefb2ab4 Ondare historikoa FMIS: LSH/agents/32244

Autoritate kontrola