José Garro
| José Garro | |
|---|---|
| Bizitza | |
| Jaiotza | Arrasate, 1623 |
| Herrialdea |  Gipuzkoa, Euskal Herria |
| Heriotza | Donostia, 1702ko urriaren 15a (78/79 urte) |
| Hobiratze lekua | San Bizente Eliza |
| Hezkuntza | |
| Hizkuntzak | gaztelania euskara |
| Jarduerak | |
| Jarduerak | ofizierra |
| Zerbitzu militarra | |
| Adar militarra | Espainiako Lurreko Armada |
| Gradua | jeneral |
| Parte hartutako gatazkak | Hogeita Hamar Urteko Gerra |
Marcos José Garro Senei de Artola (Arrasate, 1623 – Donostia, 1702ko urriaren 15a) gipuzkoar militar eta politikaria izan zen[1].
Biografia
Militar ikasketak egiten hasi zen gaztetan eta Portugalgo eta Kataluniako kanpainetan borrokatu zen. 1671. urtean Santiagoko ordenako zaldun egin zuten.
Armadan arazoak zituenez, Amerikara joan zen karrera egiteko. Tucumán (1674-1678), Buenos Aires (1678-1682) eta Txileko (1682-1692) gobernadorea izan zen. 1680. urtean, Sacramentoko portugaldarren koloniari eraso egin zion eta Lobo jenerala atxilo hartu zuen. Txileko kapitain nagusi izendatu zuten 1682an.
Iberiar Penintsulara itzuli eta Gibraltarreko buruzagia izan zen 1701era arte. Britainiarrek 1704an okupatu zuten. 1701 eta 1702 artean Gipuzkoako gobernadorea izan zen.
Donostian hil zen 1702an.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ Auñamendi Eusko Entziklopedia. Chile (los gobernadores vascos y su época). .
 | Artikulu hau Gipuzkoako biografia baten zirriborroa da. Wikipedia lagun dezakezu edukia osatuz. |
| Autoritate kontrola |
|---|
Datuak: Q1709718
