Goilora

Goilora
Goiloraren loreak ekainean Irudi gehiago
Iraute egoera
Arrisku txikia  (IUCN 3.1)
Sailkapen zientifikoa
Erreinua	Plantae
Ordena	Myrtales
Familia	Onagraceae
Generoa	Epilobium
Espeziea	Epilobium hirsutum L.

Goilora (Epilobium hirsutum) Onagraceae landare familiaren landare belarkara bizikor eta loreduna da.

Askotan koloniatan bizi den eta 2 metro garai izan daitekeen landare bizikorra da. Adarkatzen diren ilez hornitutako zurtoin sendoak ditu. Bere hosto iletsuak 2-12 cm luze eta 0.5-3.5 cm zabal izaten dira, erdialdean muturretan baino zabalagoak, horzdunak eta hosto-txortenik gabekoak. Kandu luzeren muturretan sortzen eta nahiko handiak diren loreek lau petalo arrosa dituzte, normalean 10-16 mm luze. Loreen estigmek lau lobulu zuri dituzte. Haien sepaloak orlegiak dira.

Eskandinavian eta Eskoziaren ipar-sartaldean agertzen ez bada ere, izatez, ia Europa osokoa, Afrikaren iparraldekoa eta Asiaren toki batzuetakoa da, baina Iparramerikan eta Australian ere badago sartuta.

Normalean zuhaitzez guztiz estalita ez dauden toki heze edo bustitan hazten da, itsasotik 2.500 metroko garaiera duten lekutara arte. Leku zingiratsu eta ibaien eta erreken bazterretan agertu ohi da.

Ekainetik iraila arte loratzen da, gehien bat uztailean eta abuztuan, eta normalean erleek lorautsestatzen dituzte loreak. Intsektu batzuk, Deilephila elpenor espeziekoak barne, bere hostoekin elikatzen dira.

Kanpo estekak

• (Ingelesez) Blamey, Marjorie & Grey-Wilson, Christopher (2003) Cassell's Wild Flowers of Britain and Northern Europe, Cassell, London.
• (Ingelesez) Press, J. R.; Sutton, D. A. & Tebbs, B. M. (1981) Field Guide to the Wild Flowers of Britain, Readers Digest, London.
• (Ingelesez) Tutin, T. G. et al. (1968) Flora Europaea, Volume 2. Cambridge University Press. ISBN 0-521-06662-X
• (Ingelesez) Washington State Department of Ecology (2006) Non-native Freshwater Plants: Hairy Willow-Herb. Accessed 25/10/07.
• (Alemanez) http://www.ruhr-uni-bochum.de/boga/html/Epilobium_hirsutum_Foto.html
• (Alemanez) http://www.biopix.dk/Species.asp?Language=de&Searchtext=Epilobium%20hirsutum&Category=Planter
• (Alemanez) http://www.picsearch.de/search.cgi?q=epilobium+hirsutum
• (Alemanez) https://web.archive.org/web/20160304195722/http://www.pflanzen-bild.de/blumen/Zottiges-Weidenroeschen/
• (Ingelesez) Grieve, 'A Modern Herbal' (1931)

• Datuak: Q161366
• Multimedia: Epilobium hirsutum / Q161366
• Espezieak: Epilobium hirsutum