Covarrubias

Covarrubias
Espainiako udalerria
Irudi gehiago
Administrazioa
Estatu burujabe	Espainia
Autonomia	Gaztela eta Leon
Probintzia	Burgosko probintzia
Alkatea	Juan Gallo (en)
Izen ofiziala	Covarrubias
Posta kodea	09346
INEk ezarritako kodea	09113
Herriburua	Covarrubias (en)
Geografia
Koordenatuak	42°03′33″N 3°31′12″W / 42.059166666667°N 3.52°W / 42.059166666667; -3.52
Azalera	41 km²
Altuera	894 m
Demografia
Biztanleria	529 (2023) −4 (2022)
256 (%48,4)   (%56) 296
Dentsitatea	12,9 bizt/km²
Informazio gehigarria
Ordu eremua	UTC+01:00
Matrikula	BU
ecovarrubias.com

Covarrubias Burgosko probintziako hegoaldean dagoen herria da. Arlanza eskualdean dago, Burgos hiriburutik 40 kilometrotara hego-ekialderantz. Lerma eta Santo Domingo de Silosetik gertu dago, eta eurekin batera osatzen du "Arlanzako Triangelu" delakoa.

Multzo historiko-artistiko izendatu zuten 1965ean, arkitektura gaztelarraren adibide ona baita. Arlanza ibaia igarotzen da bertatik eta mahastiak, laboreak eta fruitu arbolak ugariak dira.

Garrantzi handiko herria izan zen Errekonkistan musulmanen aurka, IX. mendearen azken zatian. "Gaztelako sehaska"-tzat hartu izan dute.

Tønsberg (Norvegia) herriarekin anaituta dago, izan ere Kristina printzesa norvegiarrak herri hartatik bidaiatu zuen Espainiara 1257an, eta Covarrubiasen hilobiratu zuten.

Demografia

Bilakaera demografikoa

1900	1910	1920	1930	1940	1950	1960	1970	1980	1990	2000	2010
1.744	1.732	1.575	1.574	1.559	1.400	1.266	979	758	657	618	638

Artea

• Gaztelako Adelantadotzaren Artxiboa: XVI. mendekoa, platereskoa.
• Fernán Gonzálezen dorrea: X. mendean eraiki bide zen. XIV-XV. mendeetan berritua.
• San Kosme eta San Damian kolegio eliza: gotiko garaiko kolegio eliza ospetsua, XIV-XV. mendeetakoa, pintura eta apaindura aberatsez hornitua; barruan zenbait hilobi daude, gotikoak eta platereskoak (Antsa Iruñekoarena, Gaztelako lehen kondeena, Covarrubiasko infanteenak eta Kristina printzesarena.

Pertsonaia ezagunak

• Frai Fernando de Covarrubias, Burgosko apezpikua, 1280.
• Pedro de Castro Covarrubias, Calahorrako apezpikua, 1443.
• Alonso de Castro Covarrubias, Montrealeko (Sizilia) atzapezpikua, 1449.
• Alonso Díaz de Covarrubias, Burgosko alkate nagusia eta Errege-erregina Katolikoen armaden kapitaina, 1450.
• Pedro de la Peña, Verapazeko (El Salvador) apezpikua eta Quitoko (Ecuador) artzapezpikua, 1572.
• Alonso de Covarrubias, arkitekto berpizkundetarra (1488-1570).
• Gonzalo de Arredondo, Arlanzako abadea, Errege-erregina Katolikoen kronikagilea eta Fernán González-en historiaren idazlea.
• Diego de Covarrubias, Segoviako apezpikua eta Trentoko Kontzilioan teologo nabarmena izan zena (1512–1577).
• 1524an jaio zen hiribilduan Divino Vallés, Felipe II erregearen medikua izan zena eta Berpizkunde espainiarraren eredua. 1590ean agindu zuen herriko harresiak eraistea bentilazioa hobetzeko eta epidemien aurka egiteko.
• Jerónimo de Nebreda, Siloseko monasterioaren abadea eta historialaria, 1572.
• Íñigo López de Mendoza, kardenal eta apezpikua.
• Sebastián de Covarrubias, "Lazarillo de Tormes" lanaren balizko egilea.
• Andrés de Najera, eskultorea.

Ikus, gainera

• Burgosko udalerrien zerrenda

Kanpo estekak

• (Gaztelaniaz) Covarrubiasko udalaren webgunea.

• Datuak: Q1109944
• Multimedia: Covarrubias / Q1109944